princejim on Xanga

Prince Jim Blog

Sunday, 27 December 2009

Sammi Cheng LOVE MI Concert 2009
嘉賓係安仔！一出場雷聲轟動、震耳卻聾！又攬住sammi合唱～真係好開心
舞台棒、燈光棒、煙火棒，最緊要當然係靈魂人物阿mi啦～
我朋友話佢唱功好左好多，好過07年個concert（我自己無睇過唔知啦）
今晚呢場show我等左五年啦！真係好開心等到佢開concert啦
完場唔捨得走好多人都叫安哥…但開埋白燈趕人lo～真係唔夠候呀

好在12月31仲有得睇多場！倒數的concert點都吸引d掛～又再期待！
去了一間日本料理Miso吃了超棒的Chrismas dinner
前菜有燒廣島蠔、薄脆魚乾、法國鵝肝玉子燒、串揚帶子、蟹子沙津脆
接下來有刺身盛、蘆筍安格斯肉眼薄燒卷、
北海道鱈場蟹腳．海鮮及野菜天婦羅、黑豚肉生薑燒白湯手打烏冬
再有甜品是香蕉酥撻配香檸雪糕

我最愛的是燒廣島蠔、玉子燒，味道口感一流，而黑豚肉生薑燒白湯的湯底也很濃郁
沒想過今天晚上可以吃那麼好的晚餐，不過我仍不習慣每一道菜都會慢慢輪住上
是沒有耐性，也是因為太餓加上坐在吧檯前面看著師父弄每道菜則不能吃，對我好殘忍…
整體來說這一家算是物有所值吧，希望有機會再來吃吧～

還有祝大家聖誕快樂！Merry Chrismas! ＆ HaPPY 2010！

Saturday, 19 December 2009

我又曬命啦，今日終於拎到sammi既演唱會飛
之前都唔知道會坐咩位，第21行起就係＄280，我坐第23行算係靚位啦
起碼唔洗坐咁後亦都唔洗坐第21行的走廊位睇住人走黎走去

期待26號晚既love mi

Friday, 18 December 2009

做人呢，最怕就是…

明明有錯，但就唔覺得自己有錯
無人同你講既話，真係死都唔知咩事

我同你講，但唔領情仲找藉口去證明你個套係岩
我都係好心同你溝通下，話你知唔係咁做架
我都唔想你成日都比你既上司話兩句架
我都想耳根清靜架…

人地同你講是事實…
點解個題目有標點符號架？？
點解“月底”你要打成“月尾”咁口語化？？
點解你要將故仔斬件變4隻故，一個head一個bite一個rvo一個sot？？
點解故仔鬧雙胞又唔抽起其中一隻呢？？

仲要唔覺得自己有錯…講野串串聲，唉～好好好好好好無奈！
不如試下聽多d人地客觀既意見啦，自我感覺太好係唔得架

Wednesday, 16 December 2009

Faith 信【專輯曲目】：
01. 信者得愛 (Feat. MC仁)
02. 罪與罰 (Feat. 24Herbs)
03. 上帝早已預備
04. 不要驚動愛情
05. 結果
06. 你愛我
07. 有一種快樂
08. Forgiveness (英) (Feat. 24Herbs)
09. 阿門 (國)
10. 你愛我 (國)
雖然我不是基督徒，但呢張所謂的福音大碟我都會聽，因為我真係好中意sammi style既歌
呢兩三日番工放工坐西鐵都會不停咁repeat聽呢十首歌，已經超過我一年的總和
我指既係廣東話歌，除左sammi以及陳奕迅之外真係好少會聽其他歌手的廣東歌

順帶一提，我要哂命！
我呢…黎緊26號同31號晚都會去睇sammi演唱會！哈
sammi對上一次演唱會，我人在澳洲，到sammi巡演到澳洲，我又番左香港
錯過左兩次…個陣失望至極點解咁唔好彩～好在今次可以比我睇番兩場

期待

Monday, 14 December 2009

很久都沒有寫xanga了，並不是因為忙而沒有再寫
只是整個人愈來愈懶，無名小站的旅遊網誌也可以拖延幾個月才寫分享

有個朋友講得對，雖然facebook街知巷聞…
還是引用一位朋友blog的一段話吧，正中我心裡的話…

"Facebook無疑是一個很好的交友平臺。不需多久便可以認識到很多新的朋友。
偶爾上傳一下自己的照片和看看別人的照片，對很多人來說都是一種樂事。

但是日子久了，便發現facebook確實如名字般只著重樣子的交流。
你想在那裏發放些什麼屬於自己的見解，根本沒多少人有興趣去瞭解、討論和分享。
漸漸發覺自己想說的、想和別人分享的越積越多。"

文字交流其實或者更能表達我自己心中想說的，當然可能現在分享的不會像以前那麼坦蕩
人愈大，愈發覺怎麼我以前是這樣子的，人只要開心就對了

希望我以後寫的都開開心心跟大家分享，還有生活的甜酸苦辣…

Sunday, 07 June 2009

誰是誰非

有看過叮噹的單完短劇「祖先加油！」嗎？

劇裡提到阿福的祖先是主公的家老，地位比大雄的祖先是獵人為高
於是叮噹帶大雄坐時光機去祖先的戰國時代，協助自己的祖
先成為家老甚至主公
但大雄的祖先大作怕事不敢捲入戰爭，大雄就代大作上戰場，成事後功勞則歸大作
不過上到戰場，大雄就問究竟要幫哪一方呢？
叮噹：「隨便幫一邊吧」
大雄：「那當然要幫正義的一方吧」
叮噹：「什麼知道，兩方都說自己是正義的一方，永遠都說自己是對的，哪個主公就手就抓哪個，然後帶到敵方，那一場仗就打完了」

寫到這裡，我想引申的是無論朋友、同事、情人什麼關係也好
兩個人吵架，雙方都會堅持己見，永遠都認為自己是對的

即使有中間人來調解，但究竟誰是誰非都弄不清楚，只能調停雙方的爭辯
就好像辯論大會般，正反雙方都有自己的一大堆道理、觀點
旁觀者總不能判定其中一方是對或者錯，所以再吵下去照理都沒什麼好結果的
倒不如停止吧！我寧願苦水往肚中流，吵架實在令人聽得煩厭

就算向某人訴苦，好像洗腦般一直數落你的不是
別人聽到雙方兩份口供根本不知道是誰對抑或錯，所以你我的對與錯心知肚明吧
再講多幾句無助解決根本問題，倒不如冷靜兼且客觀地去正視問題

我很累想要停止這個無聊的爭辯，但只有單方面的我去做是徒勞無功
我仍得要每一日戰戰競競去面對、迎刃而解，我絕對明白忍一時則風平浪靜
我並非忠言逆耳，只不過都要忠言得合情合理而不是無理

對就對，錯就錯，根本無必要加鹽加醋把問題複雜化成七國咁亂
亦無必要為了有一個下台階而自圓其說不停咇哩吧啦

好了講完，我或者應該檢討一下做人的方式吧
為了集思廣益，有意見的歡迎提出

Monday, 04 May 2009

番工．生活．朋友

番學同番工的生活是兩件事

番學的生活實在太精采了
當你興𡚒情緒高昂的時候有人感受到你的熱情
當你失戀失意的時候有人關心下你虛寒問暖

一個同學仔上堂訓教，醒左突然在肅靜既班房講左一句「(打呵欠)~懶人真係多屎尿！」
又或者取出相機左影右影拍出千奇百怪的鬼照片令人哭笑不得...
即使一大堆同學有熟有唔熟的，社交指數同娛樂指數都唔會低得去邊

放左學唔想番屋企的又或者放假可以同同學仔行下街食下飯，唱埋Ｋ睇埋戲
反正大家的時間表都一樣，幾時得閒幾時唔得閒大家都知，想約人有幾難
番緊工的我，真係覺得其實番學除左考試之外，番學生活實在太幸福

番工的生活最好就係可以用自己錢去買中意既野，食中意既飯，慳洗大洗都無人管你
但慾望係無止境，永遠都滿足唔到自己既物質需要

番工的生活好平淡，尢其是番夜時間幾乎係番工放工訓教，一日復一日咁
番工即使一至五或二四六，放假個日好朋友唔係番學就係兼職，有番dd時間就拎左去拍拖
頓時覺得社交生活無左好多，整個人都好悶，又唔想整天都留響屋企做宅男

好像我咁拍拖失敗收場，慢慢就唔再覺得愛情係人生的一部分而係點綴，無愛人係唔洗死既
所以朋友係好重要，一日朋友無反面既一世都係朋友，無朋友既話會悶死！

不過好朋友都難得見面何況係其他人，昔日的酒肉朋友都變成hi-bye friend
街上碰面頂多都係問下近況點呀，番工d同事對你好唔好呀，言談間都變得好唏噓既感覺

同埋呢個時候，人生中都會遇到波折而令到個人感到沮喪，實在需要鼓勵同支持
我好想同朋友講，得既話你同我去下離島、行下山又或者去海馬公園/迪迪尼，抖氣又好咩都好
但唔好去人多既地方，因為實在有太大的都市壓迫感，好似抖唔到氣咁，可能我老啦
再唔係同我落disco發din一晚(雖然從來都唔去香港個d又或者我唔知邊度好玩)
解悶又解壓嘛，開心又過一日，咁樣五日工作din番晚心理應該都平衡d

人生嘛，開心就好了，有朋友一起分享就更好

Sunday, 15 March 2009

失落的時候，總是不想打擾朋友

可能潛意識中覺得，即使是最好朋友都會說我很煩
所以不敢一邊喝著苦水要他／她聽著我的訴苦，好好當一個聆聽者
慢慢好多不開心的事都弊在心裡，苦了自己

開門見山的說不開心，那不是很奇怪嗎？
其實即使說了又如何，朋友又可以為我做什麼事
換來的回應不外乎那安慰美言幾句，聽過太多官方答案都麻目了
對方哦一聲豈不是令自己墜入更難碪的思諸
倒不如自己靜靜的聽著歌，放鬆心情吧

但諷刺的是，反而是我把自己的心推到更封閉
被自身的重量壓到不能往前走，個心有點忐忑
繼而坐立不安，渾身不自然的不安感覺

了解兩個字，要明白真的很難
對人歡笑背人愁，樂天知命的性格都收起了

Friday, 20 February 2009

直至目前, 我仍然覺得自己好蠢，講野一舊雲
甚至連我都睇唔起自己，自信心可想而知

工作上依然大把野學，但自信心仍未建立又點會有阿邦品牌
而剪出黎的片係好睇？
太緊張、壓力大，明明自己應付得黎既偏偏響非常時刻，腦海一片空白
我諗要做好功課，因為我知道機會係留比有準備的人

不過壓力係動力，做好每一樣野，做到最好對自己有一個完美的交待
做好自己，先唔會對唔住自己同對我有期望的人

我會努力！做一個硬朗的人(而唔係一個o靚仔)

Tuesday, 03 February 2009

首先多謝同我講過生日快樂的朋友們

我從來都好少會搞一場屬於自己的生日會
除了去年我在澳洲大堡礁的外海過生日
每一次過生日都沒什麼特別的回憶,
只跟最要好的朋友或者心愛的人一起吃飯而已
其實心意都夠了, 總之多謝你同我講聲生日快樂
即使一句生日快樂, 我都會覺得好窩心的

不過..
居然生日當日先來病到見星星, 早上急速去睇醫生開藥
回家開了兩包暖貼放在被套包著身體睡覺去, 起來之後就龍馬精神
雖然身體抱恙, 但實在不忍自己的生日默默在家中度過
晚上跟我家人去吃Openrice.com元朗區內第一位的日本料理餐廳 – 酒泉
希望黎緊的一年事業順利、愛情隨緣、最緊要身體健康

同埋, 祝我生日快樂. Happy Birthday.

Sunday, 11 January 2009

其實好多野想講

我真係唔覺得目前的生活過得開心

即使我在生活上算是過得幾好, 但好有壓迫感

就是這樣而已, 有朋友就說我不知足, 不應該對生活說一聲不滿

因為有很多人過得比我更慘

問題是, 我對生活實在有太多無奈

點解d人咁自私, 點解d人咁無品, 點解d人咁花心

諗下諗下就覺得點解我要咁好人?

每次我諗人地, 人地又唔會諗番我, 咩叫做好人有好報

潛意識就將自己好似收埋左, 有時索性一個人就算數, 起碼煩少一樣野

我並沒有不開心, 只是對生活總是提不起勁而已

Saturday, 06 December 2008

發脾氣, 每個人都有

但放在我身上好像被標籤為小朋友的表現, 我還可以說什麼呢?
唯有閉門安靜地下火消一消怒氣, 我呢世人最憎的就是比人屈

有前科架, 我記得中二的時候, 比我大家姐一味屈我
怒氣沖沖的我, 家人居然偏幫著她, 又怒打我一把掌
結果我一發不言都有兩個月, 自此我非常痛恨屈我的人

今日大家姐屈我, 阿媽又幫口, 明明無做錯叫我點認?
知道知衰, 觸動左我的怒火就話開玩笑, 男人老狗唔好咁小氣
當我傻架, 屈我就係屈, 又無證據仲話得咁大聲, 唔似講笑wo小姐
我最憎就係比人屈, 屈我係好大罪, 屈咩唔重要
最憎就係比人屈我無做過既事, 仲要係家人lo...我真係會連祖宗都鬧埋

自問自己對屋企都付出好多, 真係心淡! 點解自己仲要做好人?

Monday, 03 November 2008

有朋友失去理智跟我說了一番說話
令我覺得為什麼愛一個人又不去跟他說呢, 就只是因為沒有信心?!
你可知道當時的他是有喜歡過你, 現在的答案是你已經錯失了這個男朋友
自問他是一個配合度、遷就度、容忍度都頗高的人, 一定不會給你任何壓力
只希望雙方慢慢發展一套相處方式以及建立信心

其實我只想講, 遇到你的所愛請你把握機會, 以及好好珍惜!!
起碼走出一步知道結果是好是壞才甘心, 不要讓它溜走

---------------------------------------------------------------------------------------------

又壞了手機了..已經修理過兩次了, 所以決定買一部新的手機
目標是日本手機型號的摺合機, 預算大約3千多吧, 不過都是看情況
要買就買最好的, 或者有機會超出預算, 目前最耐用的依然是sx902

---------------------------------------------------------------------------------------------

我又做長輩了, 今次我快將榮升表叔...都已經慣了
最大的侄女都已經十四歲了, 只不過與我相差九年而已
"邦叔叔!" 聽慣聽熟了, 不過現在他們都沒有再這樣叫我了
跟家人一樣叫我"阿邦", 大家都沒有太著重長輩這種階級觀念

---------------------------------------------------------------------------------------------

生活漸穩定, 有了固定的個人生活空間
有時單身生活都幾好的, 一個人自由自在多愉快呢
當然有時候會感到孤獨, 治療藥方是多找朋友出外消遣或者找一些東西來做
所以最近幫朋友剪輯網上的主持節目及劇集, 雖然性質上是第一次做這類東西
不過是一個真正令我將學堂的東西得以學以致用, 希望我可以做得好好睇睇

Thursday, 09 October 2008

其實唔係好中意facebook
因為知道得太多, 間接令自己有d唔開心

好似點解人地的社交生活咁多采多姿
點解人地可以成日去旅行、玩水過得快活過神仙既
點解人地咁潮、咁man、咁有學問
頓時覺得自己好蠢, 天生low b又遲純, 好聽d就可愛無機心

我都係唔恨得人地咁多, 亦唔怨得自己咁多
無他既, 只係突然間開竅, 漫漫長夜諗左好多野咁
覺得人為乜? 點解要mind? 點解要恨? 點解要怨呢?
做人做出自己的真性情就足夠啦
我講野係唔正又如何, 聽唔到又如何, 缺點係人都有
做人係點都唔關你事啦係咪, 只要我對得住人又拜得神

人地係點都無謂將人地個套套響自己度, 多左無謂壓力
我係蠢又點, low b又點, 人地叻唔一定要自己都要做到咁
想做到都要睇下咩料到, 咩料自己明架啦, 我恨做錢永健拎番個諾貝爾tim
覺得咁樣做人開心好多, 似足澳洲時期的我, 唔錯唔錯

繼續尋開心, 做番快活人, 本性該如此

Monday, 06 October 2008

愛情就像流沙, 抓的越緊失去的就越快
沉醉熱戀中, 似乎認為自己是最幸福, 但一剎眼就過去

一場細水長流的愛情, 讓大家可以更認識對方, 彼此了解
而不是單靠熱戀期所見到的就是對方的一切
有拌腳石就輕言放棄, 相信都不是一個有耐性與恆心去喜歡一個人的人
在我而言, 很多人都是這樣的, 讓我對愛情投下不信任、不可靠的心結

已經累了, 心裡再沒有配額去信任一個人對自己的忠誠
反正愛情跟世事一樣, 充滿爾虞我詐的圈子, 真的很想劃清界線

我不希望自己變成跟他們一樣, 一切隨緣

Thursday, 02 October 2008

這一刻的我, 已經有點迷失了方向, 不知道下一條路該怎麼走
無論在想什麼, 都會帶著一個問號, 腦海自然不繼浮現我想要的答案,
但找不到答案, 繼而胡思亂想就愈更迷失了

我究竟需要什麼? 我真的不知道
在最近半年, 所有開心的東西冷靜下來之後, 我仍然沉著在底下, 實在提不起來
開心到笑, 笑到失控的笑著帶哭, 我在這一刻究竟是開心抑或傷心都弄不清楚

亮起紅燈, 起碼我知道什麼方向不能走
亮起綠燈, 起碼我知道前方正在等著我
但在十字路口, 原來一支紅綠燈都沒有, 只好不停徘徊著

Sunday, 28 September 2008

占, 有d野都係算吧啦
強求都無咩用, 都係做好自己目前既野
或者就係番工, 放工, 食飯, 訓教, 之後放兩日假無所事事就算
搞咁多煩惱做咩? 唔想日日做戲比人睇lo

占, 你唔好咁蠢咁遲鈍啦
以為自己聽唔到, 就真係少聽好多人情世故, 原來唔係架
到我聽到個陣, 先知原來事實係咁既, 我先黎晴天霹靂咁

我無自甘墮落、閉門自閉都已經算係好啦
你話係咪? sigh~